Skjólgóð og skemmtileg tjaldsvæði fyrir tjöld, hýsi og húsbíla sem bjóða upp á salerni fyrir hreyfihamlaða og með góðu aðgengi fyrir hjólastóla á flestum svæðum.

Stórarjóður (B) býður upp á rafmagn og salerni fyrir hreyfihamlaða og er rólegt svæði sem ætlað er þeim sem vilja slaka á og taka því rólega.

Hróarsstaðanes (C,D) er stærsta svæðið, staðsett við Fnjóskánna. Á þessu svæði er salerni, rafmagn, sturtur, þvottavél, þurrkari og aðalleiksvæðið (ærslabelgur, klifurpýramídi, lítill fótboltavöllur og sandkassasvæði).

Flatagerði (E) er með rafmagn, sturtur, þvottavél, þurrkara, salerni fyrir hreyfihamlaða, ásamt litlu leiksvæði með vegasalti og rólum. Þetta svæði er aðliggjandi fastleigustæðunum.

Brúarlundur (A) hefur salerni en hvorki rafmagn né heitt vatn. Brúarlundur hentar vel fyrir stuttar dvalir og náttúruunnendum. Þar er verð fyrir gistingu um 20% lægra er á öðrum svæðum.

Boðið er upp á forbókanir á öllum svæðum. Í Stórarjóður (B), Hróarsstaðanesi (C) og Flatagerði (E) eru þau skipt upp í merkt afmörkuð bókanleg hólf. Í Brúarlundi (A) og Hróarsstaðanesi (D) eru hólf ekki afmörkuð og pláss valið þegar komið er á svæðið. Tjaldið ekki nema hægt sé að bóka stæði. Ekki er hægt að tryggja rafmagn í neðra Hróarsstaðarnesi (D) og ekkert rafmagn er í Brúarlundi (A).

Vaglaskógur er einn fallegasti birkiskógur landsins með miklum möguleikum til útivistar. Tjaldsvæðin eru tengd víðfeðmu göngustíganeti sem liggur um Vaglaskóg og göngustígakort er hægt að nálgast við upplýsingaskilti í skóginum og hjá starfsfólki.

Stutt er í Akureyri (17km í gegnum Vaðlaheiðargöng), golfvöll með veitingaskála (3km), sundlaug með verslun og mini-golfi (12km).

Nokkrir punktar til að hafa í huga:
- Án fylgdar forráðamanns er aldurstakmarkið á tjaldsvæðunum 18 ár.
- Við flokkum rusl í Vaglaskógi og biðjum við tjaldsvæðagesti að gera slíkt hið sama á meðan dvölinni stendur
- Lausaganga hunda og katta er bönnuð, en leyfilegt er að hafa dýrin í taumi
- Hægt er að kaupa skott/millistykki fyrir rafmagnstengingu hjá tjaldvörðum.

Símanúmer tjaldsvæða er: 860 4714