Stórt og gott tjaldsvæði við Stuðlagil. Erum með veitingasölu í veitingavagni og handverksmarkað sem er opinn yfir sumarið. Glæsilegt salernishús með sturtum. Þar sem við verðum að hita allt vatn upp með rafmagni kosta sturtur 400 kr. í 100 kr mynt. Við erum með eldhúsaðstöðu fyrir að elda mat og þvo leirtau. Rafmagn er fyrir hjólhýsi og vagna. ATH ekki er í boð rafmagn fyrir hleðslu bíla.

Forbókanir eru í boði fyrir tjaldsvæðið án stæðavals. Þú velur þér hvar þú vilt tjalda hvar sem er á tjaldsvæðinu.

Mikil og stórfengleg náttúra á staðnum og 200 metrar frá Stuðlagili. Fjölmargar dagleiðir frá tjaldsvæðinu, t.d. hálendi (Snæfell, Kverkfjöll eða Askja), heiðin (vötnin, hringferð um heiðina), Sænautasel, firðirnir (Vopnafjörður, Mjófjörður, Borgarfjörður, Seyðisfjörður og fl), Kárahnjúkar, Laugavellir með náttúrlegri sturtu, Hallormsstaðir, Hengifoss og fleiri staðir. Losun fyrir ferðasalerni. Opinn eldur stranglega bannaður eða aðrar athafnir sem fela í sér íkveikjuhættu, hundar í bandi leyfðir.

Verð 2300 pr. mann en til viðbótar er gistináttaskattur pr. húsbíl/tjald/hjólhýsi. Rafmagn 1.500 pr dag.
Vegur á malarvegi inn á tjaldstæðið (c.a. 7 km.) er vart fær hjólhýsum eins og sakir standa.