Parka.is
Ásbyrgi Campground Photo
Ásbyrgi
Í Ásbyrgi er stórt tjaldsvæði með aðstöðu fyrir tjöld, fellihýsi og húsbíla. Rafmagnstengi eru á tjaldsvæðinu
Hólf tjaldsvæðis
Lýsing tjaldsvæðis
Í Ásbyrgi er annað af tveimur tjaldsvæðum Vatnajökulsþjóðgarðs í Jökulsárgljúfrum, í Vesturdal er minna tjaldsvæði. Þjóðgarðurinn er opinn gestum allt árið um kring en tjaldsvæðið í Ásbyrgi er opið frá 1. maí til 31. október. Ásbyrgi liggur við þjóðveg 85. Frá Húsavík eru um 65 km austur til Ásbyrgis. Einnig er hægt að fara af hringveginum (1) norður Dettifossveg (862) að þjóðvegi 85. Það ber þó að athuga að þessi leið getur verið lokuð/ófær að vetri.

Í Ásbyrgi er stórt tjaldsvæði með aðstöðu fyrir tjöld, fellihýsi og húsbíla. Rafmagnstengi eru á tjaldsvæðinu (48 tenglar með 1500 W). Í snyrtihúsi eru 4 sturtur fyrir hvort kyn, þvottavél og þurrkaðstaða. Útigrill eru á tjaldsvæðinu (kolagrill), leiktæki og áningaborð. Í Ásbyrgi er Gljúfrastofa, upplýsinga-og þjónustumiðstöð Vatnajökulsþjóðgarðs á norðursvæði. Í Gljúfrastofu er áhugaverð sýning um náttúrfar og jarðfræði Jökulsárgljúfra. Þar er einnig hægt að fá upplýsingar um náttúru og sögu svæðisins, gönguleiðir og þjónustu. Á tjaldsvæðinu í Ásbyrgi er einnig lítið afgreiðsluhús er kallast Álfhóll. Álfhóll er opinn frá seinni parti dags og langt fram á kvöld. Þar eiga gestir að ganga frá greiðslum vegna gistingar.

Verslunin í Ásbyrgi er í næsta nágrenni við tjaldsvæðið. Símanúmerið þar er 465-2260.

Salernið í Ásbyrgi er með aðgengi fyrir hjólastóla.
Hundar eru leyfðir í bandi.
Upplýsingar tjaldsvæðis
KT: 4410070940
Ásbyrgi 671 Kópaskeri
+354 470 7100
asbyrgi@vjp.is
VSK: 98248
Möguleikar
Rafmagn
1000 kr.
Þvottavél
500 kr.
Sturtur
Salerni
Heitt vatn
Uppvöskunaraðstaða
Þurrkaðstaða
Leiktæki
Þráðlaust net / Wi-Fi
Gönguleiðir
Losun ferðasalerna
Áfylling vatns á ferðahýsi
Verð
Börn 0-12 ára
0 kr.
Gistigjald ellilífeyrisþegar/öryrkjar
1000 kr.
Gistigjald 13-17 ára
700 kr.
Gistigjald fullorðinn 18-66 ára
1250 kr.
Stæðisgjald
250 kr.